Почина канадскиот актер Мајкл Копса кој на македонската публика ѝ е најпознат по мегапопуларните научно-фантастични серии „Досие Икс“ и „Фринџ“.
Тажната вест ја потврди неговиот агент Џејми Левит.
„Копса кој се бореше со тумор на мозокот почина во неделата наутро. Ми беше клиент преку две децении и ќе го паметам како сила во нашата заедница, не само како извонреден глумец, туку и како голем уметник, сликар, музичар и добар човек“, изјави Левит за Си-Ен-Ен.
Се огласи и актерката Лусија Франџоне, поранешна сопруга на Мајкл.
„Многу ќе ми недостасуваш, мој драг пријател и ко-родител“, напиша таа.
Со преку 225 наслови, Копса беше и тоа како почитуван од своите колеги и имаше силна работна етика. Еден период беше препознатливо лице на популарниот канал „Халмарк“ појавувајќи се во повеќе ТВ-филмови меѓу кои и познатиот „Божик под ѕвездите“.
* Текстот не смее да биде преземан без дозвола на редакцијата на МАСТИЛО
