Поп-ѕвездата проговори за тешката болест, се молиме да се опорави
Јасмин Ставрос, хрватскиот пејач кој беше голема ѕвезда во Југославија, на 68-годишна возраст дозна дека има рак на коските.
„За жал, се потврди најлошото. Имам доверба во лекарите, знам дека тие го прават само најдоброто за мене и се молам на Бога да престанат овие страшни болки. Не знам ни колку лекови против болки пијам, некои помагаат, некои не, а имам впечаток дека болката е постојано присутна. Не можам да спијам бидејќи ме боли грбот, а со болката сум свесен и дека започна најтешката и најголемата борба во мојот живот“, вели пејачот.
Пред неколку недели му пукнал чир во желудникот, па беше хоспитализиран во Карловац. По санирањето бил пуштен на домашно лекување, но болките продолжиле, па бил префрлен во болницата во Загреб каде му бил дијагностициран рак на коските.
„Уморен сум, ме болат рацете, нозете, рамената“, изјави Ставрос кој за дијагнозата дознал во понеделникот.
Да потсетиме, Јасмин Ставрос испеа многу поп-хитови, меѓу кои се и рефрените „Da mi je sto Amerika“, „Samo majka zna“, „Ženo“, „Maro Marice“, „Nemoj se udavat’“..