На 79-годишна возраст почина познатиот хрватски актер Крунослав Шариќ.
Тажната вест ја потврди неговиот колега, актерот Горан Гргиќ.
„Вистина е. Круно почина. Само што се слушнав со неговата ќерка. Скршени сме. Без разлика на големата разлика во години, Круно ми беше голем пријател. Можев само да учам од него“, изјави тој.
Крунослав остави голема трага на штиците што живот значат, а публиката најмногу го памети по улогите што ги играше на Летните дубровачки игри.
Од 1983 година, па се’ до пензионирањето во 2010 година беше постојан член на Хрватскиот народен театар во Загреб.