Десет години откако се свршија, ТВ-презентерката Татјана Стојановска и нејзиниот партнер, бизнис консултантот Михаил Китановски, вчера се венчаа пред најблиските.
Се запознале на одмор во Турција 2012 година каде биле со децата и таа пријателска дружба преминала во врска. По една година почнале заедно и да живеат.
Познатата ТВ-презентерка и поранешна Мис на Македонија во една прилика објасни дека поради одредени околности и прилагодувања, не дошло до официјализирање на врската, но и нагласи дека заедничкото живеење без формализирање е неформален брак секаде во светот.
Стојановска во едно интервју раскажа дека она што најмногу ги врзува е искрениот однос, заедничките интереси во животот, семејните вредности и грижата за децата.
„Секако кај него ме плени и комуникативноста, смислата за хумор, а пред сѐ интелектот, приземјеноста во сѐ. Со еден збор човечноста и емпатијата за секого, секому да се помогне. Грижата еден за друг, поддршката, љубовта и негувањето на сето тоа е она што нѐ спојува“, раскажа таа за „Женски магазин“.
Насловна: Слободен печат
