Точно десет години откако се свршија, ТВ-презентерката Татјана Стојановска и нејзиниот партнер, бизнис консултантот Михаил Китановски, завчера се венчаа пред најблиските.
Регистрацијата и прославата се одржаа во еден познат скопски хотел, а присуствуваа нивните најблиски роднини и пријатели.
„Беше весело благодарение на групата „Соната“ и бисерниот глас на Кате, како и на нашите весели гости“, откри Татјана за „Слободен печат“.
Еден детаљ од свадбената церемонија особено падна в очи, а тоа беше пуштањето на прекрасните бели гулаби-традиција на венчавките која потекнува од Италија, каде истите ги претставуваат младенците кои го напуштаат родителскиот дом, како птичјо гнездо, како би започнале нов заеднички живот и нова фамилија.
Во различни култури, религии и легенди гулабот има различно, но сепак племенито значење и често оваа птица е претставена како Божја! Се смета за симбол на верност и љубов, среќа и благосостојба, мир и долговечност како и симбол на мајчината љубов и плодност!
Ова е втор брак за најпознатата македонска презентерка која од првиот со фолк-пејачот Благоја Грујовски има син.
Татјана и Михаил се запознаа на одмор во Турција 2012 година каде беа со децата и таа пријателска дружба премина во врска. По една година почнаа заедно и да живеат.
Нивната љубовна приказна можете да ја прочитате ОВДЕ!