Актерот Трет Вилијамс почина на 71-годишна возраст во сообраќајна несреќа во близина на неговиот дом во Вермонт.
Актерот номиниран за Златен глобус починал околу 17 часот во понеделникот кога возачот на Хонда, Рајан М. Кос (35) дал лев трепкач на паркингот, а потоа се забил во Вилијамс кој возел во спротивната насока.
Холивудскиот актер со хеликоптер бил префрлен во Медицинскиот центар во Албани каде подоцна починал.
Државната полиција на Вермонт не уапси никого по несреќата којашто се случила на автопатот 30 Long Trail Auto во близина на Дорсет, но истрагата е во тек.
Вилијамс, најпознат по улогите во „Евервуд“ и „Коса“, само неколку часа пред трагедијата уживал во викендот косејќи трева на неговиот имот во Вермонт вреден милион долари. Тој самиот објави видео на „Твитер“.
What a real Vermonter does pic.twitter.com/gNflWGoxdN
— Treat Williams (@Rtreatwilliams) June 12, 2023