Рокерот и член на жирито на „Ѕвездите на Гранд“, Ѓорѓе Давид, минува низ тежок период откако минатиот викенд имаше сообраќајна несреќа во Македонија кога налета на жена во движење на автопат и ја усмрти.
Рокерот се’ уште е во нашата земја, одземени му се документите, а дали ќе може да се врати во Србија ќе се знае утре, претходно најави обвинителството.
„По предлог на Основното јавно обвинителство Куманово на странскиот државјанин кој учествуваше во тешката сообраќајна несреќа кај Табановце му се определени мерки на претпазливост – привремено одземање на патна и друга исправа (лична карта и возачка дозвола) за преминување на државната граница и обврска да се јавува во Судот“, потврдија од Обвинителството.
Екипата на познатото телевизиско шоу кое е доста гледано и кај нас, „Папарацо лов“, успеала да го сними Ѓорѓе Давид само неколку дена пред сообраќајната несреќа.
На видеото се гелда како рокерот извршува секојдневни активности низ Белград. Меѓу другото, е снимен и како оди на училиште за да си го земе детето, а снимена е и неговата романтична средба со сопругата Ана.