Почина Кристијан Коцев-Кико од карбинското село Долни Балван.
Момчето кое ја обедини Македонија и за кое за само четири дена се собраа донации од 50.000 евра за негово лекување ја загуби најважната животна битка.
Неговата здраствена состојба нагло се влоши пред два дена кога во приватна болница му откажа дишењето и беше ставен на апарати. Иако после неколку часа се почувствува подобро, сепак неговото срце не издржа.
Не успеа да замине во странство да се лекува од ретката болест од која боледуваше- Атаксија-телеангиектазија.
Претходно докторите одбиваа да потпишат трансфер за момчето со медицински авион, бидејќи, сметаа дека нема да го издржи патот, пишува порталот „Либертас“.
