Конечно влегуваме во подолг период на стабилно, суво и на претежно сончево време, со слаб до умерен, а утре повремено засилен ветер од северен правец, најавува Славчо Попоски.
„Најпогодени од очекуваниот екстремно топол Африкански бран следната седмица ќе бидеме токму ние, како и соседна Грција. Кај нас и тоа особено од среда па натаму, температурите на многу места ќе надминуваат 35 степени, додека во најтоплите централни и југоисточни предели локално температурата ќе се искачу дури до 43 степени. Уште потопло ќе биде во соседна Грција, каде локално температурите ќе се искачат дури до рекордни 46-47 степени“, пишува Попоски на својот сајт.
УВ-индексот следната седмица ќе има екстремно висока вредност (коефициент помеѓу 9 и 10).
Времето ќе биде спарно и мрачно, па тој апелира граѓаните да не излегуваат во најтоплиот дел од денот, и кога сонцето е најсилно, но и да пијат што повеќе течности.
Екстремно топлиот Африкански бран кој ќе не’ зафати, кај нас ќе се задржи најмалку една недела.
Во Скопје и околината за време на овој голем топол Африкански бран температурата ќе се искачи до 41 степен.