Во овој период од годината природно ни доаѓа да евоцираме спомени од едни посреќни денови – летувањата од детството. Со нетрпение го очекувавме тргнувањето во раните утрински часови за да не ја фатиме гужвата и жештината.
Освежувањето во возилата настапуваше евентуално кога ќе ги спуштевме прозорците, онака механички. Немаше клима уреди ниту во кафулињата, ниту во изнајмените соби.
Југото беше бавно и патувавме „цела вечност“. Јадевме сендвичи со салама кои мама ги подготвуваше и така размачкани се радувавме на моментот кога за првпат таа година ќе го здогледавме морето.
Опремата за плажа беше неспоредливо поквалитетна од денешната, дел од неа се користи и денес. Сите носевме исти сандали, а на плажа ретко кој одеше без фрижидерче.
Во продолжение неколку летни фотографии од поранешната Југославија!