Јелена Томашевиќ, сопругата на познатиот кошаркар Дејан Томашевиќ, проговори за автоимуната болест со која се бори цела деценија.
Томашевиќ тврди дека на почетокот имала нејасни симптоми, а потоа и болки во зглобовите и мускулите.
„Еден месец по четвртото породување забележав дека ми отекол едниот прст, па следниот ден другиот. Лекарите ги направија сите потребни тестови и открија дека имам лупус. Тогаш првпат дознав дека постои болест под тоа име“, раскажува Јелена и додава дека сето тоа се случило додека живееле во Шпанија.
Кратко по ова болно соочување, Дејан потпишал договор во Грција, се преселиле во Атина и таму побарала второ мислење. За жал, дијагнозата била потврдена.
„Докторот ми објасни дека без разлика што имам 36 години, телото ми е старо 75. Дополнително ми открија дека покрај лупус имам и пропратно заболување кое се вика ревматоиден артритис“, – раскажува Јелена и додава дека потоа следувало доаѓањето во Белград и лекувањето.
Од друга страна, нејзиниот сопруг Дејан, познат кошаркар, тврди дека Јелена стоички го издржала сознанието дека боледува од автоимуна болест.