Босанскиот портал „crna-hronika.info“ пишува дека, според неофицијални информации, полицајката Џ.С. бил во врска со бодибилдерот Нермин Сулејмановиќ и дека наводно токму таа му ја дала точната локацијата каде се крие неговата невенчана сопруга Н.Х. по што ја убил.
Полицијата и обвинителството проверуваат дали оваа информација е вистинита. Тетката на убиената Низама Хеќимовиќ претходно изјавила дека „само полицијата знаела каде се нејзината внука и детето“.
Полицијата го истражува и судијата кој на само четири дена пред убиството одбил да му изрече забрана за приближување на Нермин и врз основа на кои критериуми проценил дека тој не претставува опасност за жртвата.
Сулејмановиќ во петокот уби три лица. Убиството на невенчаната сопруга Низама Хеќимовиќ го пренесуваше во живо на „Инстаграм“. Својот крвав поход го продолжи на улиците на Градачац, каде ги уби Џенгиз и Денис Ондер, татко и син, а ја рани нивната сопруга и мајка Хариса Ондер.
Сулејмановиќ ги рани и полицаецот Хусеин Коториќ пред полициската станица во Градачац и случајниот минувач Недим Памуковиќ.
