Дени Мастерсон, актерот кој се прослави по улогата на Стивен Хајд во хит серијата „Луди седумдесетти“, е осуден на 30 години затвор, јавуваат американските медиуми.
Тој беше обвинет за силување на три девојки, за злоставувања кои се случиле пред две децении, а прогласен е за виновен за два од трите случаи.
Пресудата доаѓа шест месеци по првото рочиште кога актерот се соочи со обемно со обвинение за силување на три жени кои ги запознал во скиентолошка црква во која и самиот членувал.
Мастерсон беше обвинет од три жени дека ги дрогирал, им ставал наркотици во пијалоците во периодот од 2001 до 2003 година, а потоа ги силувал во неговата луксузна куќа во Лос Анџелес.