Eм вкусна, ем го штити здравјето
Рецептот за оваа исклучително лековита домашна супа масовно се споделува.
Состојки:
- 500г пилешко месо
- 1 комплет за супа
- 1 кромид
- Сол
- Црн пипер
- Сув зачин или вегета
- Домашни јуфки
Подготовка:
Исчистете го комплетот за супа и заедно со пилешкото исецкано на парчиња ставете ги во лонец со ладна вода.
Излупете го кромидот и запечете го на алуминиумска фолија директно на ринглата.
Додајте го кромидот во водата и варете на највисока температура за што побрзо да проврие водата. Откако ќе почне да врие, намалете ја температурата на тивко, посолете, ставете црн пипер и варете со затворен поклопец.
Кога месото и комплетот за супа ќе омекнат, извадете ги од водата и исецкајте ги на уште поситни парчиња. Ставете ги јуфките во течноста да се сварат, па потоа вратете ги месото и комплетот за супа и ставете го сувиот зачин.
Супата служете ја топла наросена со свеж магдонос. По желба можете да додадете и лимунов сок.
Секогаш може да експериментирате со разни додатоци, па следениот пат додадете власец, компир или јајце. Така ќе добиете комплетен ручек.
На здравје!
