Зорица Ѓорчевска, мајката на свирепо убиената 14-годишна Вања, заедно со помалата ќерка од пред некој ден се наоѓаат на една од скопските клиники, дознава „24инфо“.
Порталот тврди дека ја знае и конкретната клиника на која се сместени мајката и ќерката Ѓорчевски, но дека водејќи се од морални принципи истата нема да ја објави, со надеж дека брзо ќе се справат со здравствените потешкотии.
Мајката на Вања вчера и самата за српска „Република“ потврди дека има хронична болест, но дека добро се држи и најважно ѝ е да ја дознае вистината.
Во ексклузивната исповед кажа дека се’ уште не знае зошто ова се случило, дека уште го чека епилогот и дека не ѝ е јасно зошто нејзиниот живот се претворил во пекол.
Зорица и вчера тврдеше дека со сопругот биле во добри односи, иако се разведени веќе пет години.
Оние што ги познаваат, велат дека заедно се грижеле за ќерките.
