Почина Хариета Симиќ (41), пејачката која се прослави под уметничко име беше Харина.
Симиќ ја загуби битката со ракот на дојка. Пред една недела паднала во кома, а вчера починала, информираат српските медиуми.
„По операцијата кога ми ја отстранија дојката, отидов на хемотерапија и ми рекоа дека сум здрава, но само два месеци подоцна отидов на преглед и докторот ми најде метастази на вратот“, изјави Хариета во едно од нејзините последни интервјуа.
Веднаш по оперативниот зафат почнала да кашла. Состојбата ѝ се влошувала, па лекарите морале да ѝ даваат антибиотици во огромни количини.
„Ништо не ми помогна, а потоа отидов на скен и открија дека има метастази на белите дробови. Се чувствувам како да имам тон на градите, тешко дишам“, изјави пејачката за „Хајп“.
Таа на фановите им откри дека и мајка ѝ починала од истата болест.
„Се плашам дека ќе завршам како мајка ми. Таа почина на 49 години, јас сега имам 41 година“, изјави тогаш преплашената Симиќ.
