Вознемирувачко видео!
Видео со малтретирано девојче масовно се шири на социјалните мрежи во регионот. На страшната снимка со семејно насилство се гледа млада жена, најверојатно мајка, како крвнички удира девојче на околу тригодишна возраст.
„Нашиот мил Зоран е во затвор поради тебе. Ова ти е за Зоран“, се дере жената додека со едната рака го држи детето, а со другата го удира.
На крај, девојчето го фрла на под. На видеото се гледа и друго дете кое цело време плаче.
„Уште не сум завршила. Има цел ден да те тепам“, вика жената додека детето се бори за здив.
Во меѓувреме се огласи српската полиција информирајќи дека е познат идентитетот на сите учесници во инцидентот.
Се огласија и оние кои наводно ја познаваат мајката. Велат дека често ја гледале како питачи со своите деца. Тие откриваат дека покрај девојчето, со сопругот имаат и едногодишен син.
Според последните информации, децата се згрижени од Центарот за социјална работа.
* Текстот не смее да биде преземан без дозвола на редакцијата на МАСТИЛО