Со познатиот белградски хирург беше во брак цела деценија
Речиси никој не се сеќава дека познатата српска пејачка Мира Шкориќ во младоста беше русокоса.
Судијката во популарното ТВ-шоу „Ѕвездите на Гранд“ низ годините доста се менуваше, а на фотографиите од сопствената венчавка изгледа непрепознатливо.
Шкориќ цела деценија беше во брак со познатиот белградски хирург, д-р Васа Јеремиќ, а по разводот останаа во добри односи поради ќерката Милица која одлучи да тргне по стапките на татка си и студира медицина.
„Милица не ги сака медиумите и јавниот живот, но ме поддржува во се’. Кога беше малечка, можев да ја убедам да дојде на некое сликање со мене или во некоја ТВ-емисија, но сега навистина не можам да влијаам на нејзините одлуки. Со помош на семејството успеав да ја усогласам работата со мајчинството“, раскажа Шкориќ во едно интервју.
Минатата година Милица го кажа судбоносното „ДА“, а медиумите со денови пишуваа за гламурозната свадба на ќерката на Шкориќ на која присуствуваше речиси цела српска естрада.