По долго и тешко боледување, денеска на 64-годишна возраст почина познатиот српски актер Тихомир Арсиќ.
Српски „Курир“ пишува дека неговата ќерка Милица како да ја претчувствувала трагедијата која синоќа на својот профил на „Инстаграм“ објави навистина емотивна порака.
– Прегрнете ги вашите најмили вечерва.. Кажете им на мажите дека ги сакате, иако тоа не сте им го кажале со години. Кажете им на децата, иако можеби мислите дека нема да ве разберат.. Сетете се на насмевката на вашата баба, сетете се на вашите мајка и татко кога вие се смеете.. Сетете се како беше убаво да се биде сакан и запомнете дека никогаш, ама баш никогаш не е доцна да кажете „Те сакам“ – напиша Милица под фотографијата со својата ќерка.
