Страшна трагедија го вознемири регионот
Почина 16-годишниот кошаркар Тони Видовиќ откако колабира за време на натпревар. Младиот спортист од Риека се онесвестил додека седел на клупата за време на натпревар од Јуниорската Жупаниска лига помеќу клубовите ФСВ и Замет.
По трагедијата се огласи претседателот на ФСВ, Горан Лончар.
„Игравме во четвртокот вечерта, Тони го напушти натпреварот по пет минути и седна на клупата без да се пожали на нешто. Потоа само се онесвести. Чекавме брза помош, го приклучија на апарати во болницата и се’ уште даваше знаци на живот. За жал, утрово околу 6:30 ја добивме најлошата можна вест. Сè уште не ја знаеме точната причина за смртта, чекаме КБЦ Риека да излезе со официјална изјава. Ние од клубот штотуку ги посетивме неговите родители и им изразивме сочувство“, вели Лончар.
Од младиот кошаркар со трогателни посвети се простуваат на социјалните мрежи.
