„Ви благодарам на сите, најдени се децата“, напиша на „Фејсбук“ мајката на едно од девојчињата кои денеска исчезнаа во главниот град.
Цела македонска јавност попладнево споделуваше фотографии на две исчезнати малолетни девојчиња од струмичко кои дошле на училишна екскурзија во Скопје.
Случајот го пријави нивната наставничка Е.А. која последен пат ги видела пред трговскиот центар Веро Џамбо.
Се шпекулира дека Антонија Јанкова (12) и Радмила Иванова (14) биле пронајдени доцна вечерва кај Рампа во Кисела Вода.
Полицијата допрва ќе утврди како се случи инцидентот, како девојчињата навистина се изгубиле, дали со себе имале мобилни телефони..
