Познат е идентитетот на 47-годишната жена која денеска почина откако беше тешко повредена во сообраќајната несреќа во тунелот кај Демир Капија.
Станува збор за Татјана Петрова, а од неа се простија и членовите на владејачката партија.
„Сочувство до семејството, роднините, пријателите за трагично починатата Татјана Петрова, наша сопартијка и докажана активистка, секретар на ОО СДСМ Неготино која денеска го загуби животот во сообраќајна несреќа. Пред почеток на седницата на Централниот одбор беше оддадена почит и изразено сочувство со едноминутно молчење. Слава ѝ“, напишаа од Социјалдемократскиот сојуз на Македонија на нивната официјална фејсбук-страница.
Претходно, од СВР Велес потврдија дека денеска во 08.40 часот на автопатот А1, кај тунелот Т1 на делницата Гевгелија-Неготино, патничко возило „фолксваген“ со неготински регистарски ознаки, управувано од 47-годишната Т.П.П., изгубило контрола и излетало од патот.