Трагедија ги вознемири македонските граѓани, ова се деталите
Убиство и самоубиство се случило утринава во Демир Капија. Иако нема потврда од полицијата, сепак, градоначалникот на Демир Капија, Лазар Петров потврдил дека се случил немил настан.
Тој изрази жалење и очекува истрагата да покаже што точно се случило.
Првичните информации се дека 72-годишник пукал во соседот што живеел над него во зградата, човек на возраст од 34 години, а потоа си пресудил.
Според неофицијални информации, имало и проштално писмо оставено од човекот што го извршил убиството, па се самоубил.
Се огласија и од Министерството за внатрешни работи.
„Денеска (16.5.2023), во 6.50 часот, во Полициската канцеларија Демир Капија било пријавено дека во сопствените домови со прострелни рани биле пронајдени Б. М. (34) и М. К. (72), двајцата од Демир Капија. Смрт кај двајцата констатирал лекар од Итната медицинска помош, а во координација со јавен обвинител на местото се врши увид“, соопшти МВР.