Јутјуберката Анабел Хем ненадејно почина на 22-годишна возраст.
Како што пренесува „Телеграф“, таа починала во саботата, а тажната вест ја потврди нејзината сестра на социјалните мрежи.
„Нема доволно зборови за да се опише колку сме уништени јас и семејството. Анабел беше таква светлина за светот“, напиша Александрија Хем.
Причината за смртта на младата јутјуберка се’ уште не е објавена.
Анабел се прослави на „Јутјуб“ со прикачување видеа уште во 2014 година, а на својот блог често пишуваше за нејзиниот живот како студент и објавуваше совети за шминкање.
