На 96-годишна возраст почина легендарниот американски пејач Тони Бенет.
Во 2016 година му беше дијагностицирана Алцхајмерова болест, но продолжи да настапува и да снима се’ до 2021 година.
Неговиот врсник, Френк Синатра, го нарече најдобриот популарен пејач на светот.
Бенет е роден во Њујорк, како Ентони Бенедето, а се стекна со светска слава со песната „I Left My Heart in San Francisco“.
Освои неколку музички Греми награди и сними повеќе од 100 албуми.
Во 2014 година го сними и албумот „Cheek To Cheek“ со Лејди Гага, на којшто пејачката им се врати на корените на џезот.
