Снимка на социјалната мрежа Тик-Ток, која неодамна ја објави една девојка, ја шокираше јавноста.
Како што пишуваат повеќето српски портали, таа поставила слика од позитивен тест за бременост, заедно со објавата дека носи дете на Коста К., осомниченото момче за масовното убиство во ОУ „Владислав Рибникар“.
„Имам нешто да ви кажам! Со Коста ќе имаме бебе, бремена сум“, вели неименуваната девојка во објавата.
Корисниците на Тик-Ток под објавата коментираат дека се срами, а други вербално ја линчуваат.
Како што претходно напиша „Информер“, фановите на Коста К. можат да одговараат врз основа на два члена од Кривичниот законик на Србија. Прво, за предизвикување паника и неред, а второ за загрозување на безбедноста.
Да потсетиме, истрагата покажа дека Коста на трети мај годинава, точно во 8 часот и 40 минути, влезе во училиштето и без збор го уби обезбедувачот Драган Влаховиќ и уште три девојчиња кои случајно му се најдоа на влезот.
Потоа се упати во училницата на приземјето, каде што неговиот клас имаше час по историја. Таму прво ја рани наставничката Татјана Стевановиќ во раката и стомакот, а потоа се сврте и уби уште шест деца.
