Тој беше прогласен за најубав Арап на светот, но дури по неверојатната ситуација што му се случи во Саудиска Арабија
Омар Буркан Гала е ирачки модел, актер и фотограф кој поради необичен скандал пред десет години се прослави ширум светот. Имено, неговата убавина беше толку волшебна, што токму поради неговиот неодолив изглед беше протеран од Саудиска Арабија. Околу неговото име тогаш се крена огромна прашина, а тој своите пет минути ги искористи на најдобар можен начин.
Што всушност се случи во 2013 година?
За време на одржувањето на еден културен фестивал во Ријад, тој со уште двајца колеги работеле на промотивен штанд. За инцидентот Омар проговори во интервју во јануари 2015 година, се наврати на целата ситуација и откри што всушност се случило.
„Некои девојки ме препознаа поради мојот ангажман како модел и ми го окупираа штандот, барајќи автограми и фотографии. Но, тоа не им се допадна на мештаните, особено на надлежните, кои дојдоа и учтиво ме замолија да го напуштам фестивалот“, раскажа тој во таа прилика и додаде дека му рекле дека постои страв дека гостите на настанот ќе се вљубат во него.
Во тој период овој заводник објави интересен статус на Фејсбук. „Убавината на жената мора да се види од нејзините очи, бидејќи тие се вратата на нејзиното срце, местото каде живее љубовта“.
Подоцна, делегацијата на Саудиска Арабија објави соопштение во кое појасни дека од Буркан никогаш не било побарано да ја напушти земјата, туку само фестивалот, бидејќи во нивната земја постои правило жените да не комуницираат со мажи кои не се членови на семејството. Тие исто така тврдеа дека Ал Гала изведувал „непристојни“ танци на настанот. Но, веста веќе се прошири низ целиот свет, а тој ја доби титулата „најубав Арап на светот“.
Кој е познатиот ориентален принц?
Омар Буркан Ал Гала е роден на 23 септември 1989 година во Багдад, Ирак, а пораснал во Дубаи, откако неговото семејство се преселило во потрага по подобри услови за живот.
Со манекенство почнал да се занимава на 18-годишна возраст. За кратко време доби понуда од големи брендови како „Самсунг“ и стана ѕвезда на модните писти. Има армија обожаватели на социјалните мрежи, а моментално на „Инстаграм“ го следат 1,4 милиони луѓе. Со неговата импресивна појава ги остава жените без здив кои ја коментираат секоја негова објава.
Брак со „машка жена“
Најхаризматичниот Арап, како што пишуваат за него странските медиуми, во 2015 година стапи во врска со Јасмин Овеида, моден дизајнер од Јордан. Тие ја чуваа својата врска далеку од очите на јавноста, а круна на нивната љубов е синот кој го добија во 2016 година. Се вљубија во луксузниот Дубаи, каде што се вкрстија нивните манекенски кариери.
Бидејќи многу фанови беа разочарани од неговиот статус, на социјалните мрежи често се појавуваа коментари дека таа не е за него, и дека делува „мажествено“. Меѓутоа, ако ги погледнете нејзините најнови фотографии, ќе забележите дека многу се променила, нели?
Сепак, во 2018 година тие се разидоа. Омар сè уште го држи својот љубовен живот подалеку од очите на јавноста и, како што вели, целата своја енергија ја вложува во развојот на кариерата.
