Легендарната пејачка е скршена од тага
На 57-годишна возраст денеска почина Јагош Марковиќ. Беше еден од најистакнатите театарски режисери не само во Србија, туку и во целиот регион.
За трагедијата се огласи и најголемата музичка ѕвезда на овие простори, Лепа Брена, која изрази големо жалење за заминувањето на реномираниот театарски работник.
„Многу ми е жал за неговото прерано заминување. Ја сакав и почитував неговата исклучителна и многу креативна режисерска работа. Се надевам дека сега е со великаните каков што беше и тој. Ќе ми остане во сеќавање како весел и креативен човек со добра мисија. Почивај во мир Јагош“, изјави Брена за „Информер“.
Марковиќ дипломира на Факултетот за драмски уметности во Белград, во класата на Борјана Продановиќ и Светозар Рапајиќ, во 1987 година.
Од 2008 година беше постојан режисер во Народниот театар во Белград, каде што ги режираше најзначајните наслови на светската и домашната класика.
