Нема утеха за оваа жена која е редовен член на жирито во „Ѕвездите на Гранд“
Познатата српска пејачка Снежана Ѓуришиќ (64) цели 36 години беше во брак со хармоникашот Слободан Гвоздвеновиќ со кој ги доби ќерката Маја и синот Марко.
Тој се упокои пред една деценија. Трагедијата се случи во Виена каде што таа имаше настап.
Ѓуришиќ неодамна се присети на уште еден многу сличен тажен момент кој, како што вели, го доживеала занимавајќи се со оваа професија.
– Имаше моменти кога сакав да се откажам од сѐ. Да се откажам од работата која ја сакам најмногу на светот. Бев на сцена кога брат ми почина. Тоа се очајни моменти кои не се опишуваат со зборови – откри Ѓуришиќ.
Вели дека најтешко ѝ било во деновите кога морала да биде суров професионалец, иако не ѝ се ни живеело.
– Максимално да ја испочитувате публиката додека преживувате пекол. За жал, тоа е лошата страна на нашата професија – раскажа таа.