Неговата последна објава на социјалните мрежи беше пред четири дена, што внесува дополнителна мистерија во оваа тажна приказна
Фитнес-моделот и актер Алек Масер почина во петокот вечерта во својот дом во Калифорнија. Неговата свршеница Пејџ Прес ја потврди тажната вест за TMZ, но причината за смртта се’ уште не е откриена.
Масер (50) беше најпознат по улогата на Дел Хенри во ТВ-сапуницата „Сите мои деца“, каде што глумеше во вкупно 43 епизоди во периодот од 2005 до 2007 година. Покрај тоа, тој се појави и во други популарни остварувања како „Возрасни“, „Рита Рокс“, „Очајни домаќинки“ и „Пат до олтарот“, оставајќи свој белег во светот на забавната индустрија.
Покрај актерството, Масер се појави и на насловните страници на неколку списанија, како „Men’s Health“, „Men’s Workout“ и „Exercise Health“, што дополнително придонесе за неговата популарност и препознатливост.
Неговиот колега, холивудскиот актер Адам Сендлер, со кој глумеше во филмот „Возрасни“, напиша емотивна посвета на „Инстаграм“ истакнувајќи ја неговата прекрасна личност и испраќајќи љубов кон неговото ожалостено семејство.
„Го сакав овој човек. Не ми се верува дека го нема. Толку прекрасен, смешен и добар човек. Моите мисли се со Алек Мусер и неговото семејство и им ја испраќам сета моја љубов. Беше вистинска, голема душа“, напиша Сендлер.
