Повторната употреба на амбалажа во поголемиот број случаи е идеална идеја, како за зачувување на животната средина, така и за вашиот паричник.
Сепак, кога се во прашање влошките и кутиите за јајца, приказната е поинаква и по нивната употреба треба да се ослободите од нив во истиот миг.
Експертите велат дека проблемот е во картонот од којшто се направени, а кој не може да се чисти и мие и затоа е често контаминиран со бактерии. Тие, исто така, препорачуваат добро миење на рацете по секој допир со јајца и нивната амбалажа.
За да спречите вкрстена контаминација на храна, избегнувајте да ги ставате јајцата и амбалажата од јајца на чиста работна површина. Кога ќе ги скршите, задолжително обратете внимание содржината во јајцето да не дојде во допир со надворешната страна од лушпата.
Важно е да знаете и дека целиот прибор, садовите и работната површина кои биле во контакт со јајце или со амбалажа за јајца мора темелно да ги исчистите.
Празното пакување веднаш фрлете го!
