Немања Николиќ во 2004 година стигна до гламурозното финале на популарното регионално шоу „Ѕвездите на Гранд“.
За првото место беше во конкуренција со Тања Савиќ, Славица Ќуктераш, Бане Мојичевиќ, Дарко Филиповиќ и Стеван Анѓелковиќ. Веќе наредната 2005 година продукцијата му обезбеди снимање на комплетно цеде.
Немања своевремено го запостави физичкиот изглед, вишокот килограми му го променија личниот опис. Се здебели повеќе од 30 килограми и негрижата за сопственото здравје за малку ќе го чинеше живот.
Пред неколку години доживеа инфаркт и тоа додека го управуваше својот автомобил во кој бил со сопругата и со децата.
– Да, имав срцев удар, но добро се чувствувам. Морам да пијам лекови до крајот на животот. Тоа нема да ме спречи да работам, но и да уживам. Ми рекоа дека морам да внимавам со исхраната и да не пушам, но тоа се големи рестрикции. Еве баш сега планирам да одам на јагнешко, а што се однесува до диетата, ослабнав 200 грама – се пошегува во тој период Николиќ во едно интервју.