Се’ уште не стивнуваат реакциите откако Елвира Мулавдиќ, мајка на девет деца од босанксото село Грачаница, лани се самоуби пиејќи 150 таблети апаурин од 10 милиграма.
Несреќната жена посегнала по својот живот поради немаштија и се’ почестите брачни конфликти, информира „Аваз“.
Црното сценарио го најавила и на „Фејсбук“, но очигледно никој не ја почувствувал сериозноста на нејзиното излагање.
Нејзината последна профилна фотографија која ја променила неодамна била црна позадина под која напишала „Јас умрев“.
Подоцна се огласила уште двапати. Едната објава била посвета за мајчинството, а другиот пост – видео во живо од семејната градина, на кој се гледа како еден од нејзините малолетни синови ја раскопува земјата.
Семејството долго време живеело во сиромаштија, дури и без некои елементарни услови за живот. Пред осум месеци купило куќа која ја отплаќале на рати.
Во нивниот крај често биле организирани и хуманитарни акции за да им се помогне како многудетно семејство. Сепак, Елвира не можела да се избори со тешкото бреме кое го носела, пишуваат тамошните медиуми.
Елвира позади себе ги остави сопругот Асмир и деветте малолетни деца на возраст од четири месеци до 14 години.
Фото: Принтскрин/Фејсбук
* Текстот не смее да биде превземан без дозвола на редакцијата на МАСТИЛО
