Дури 62 надгробни плочи биле искршени во вандалскиот чин на сквернавење на христијанските гробишта во скопско Камник. Мештаните тврдат дека изживувањето се случувало за време на полицискиот час.
Вандалскиот чин веднаш беше осуден од повеќе институции, партии, поединци и здруженија, а Акционерското друштво за погребни и придружни дејности „Бутел“ вети дека на своја сметка ќе ги обнови оштетените гробови.
Директорот Ѓорѓе Матевски за „Вечер“ изјави дека досега се пријавиле десетина оштетени граѓани и нагласи дека во понеделникот на влезот на гробиштата биле поставени три камери.
Овој вандалски чин најостро го осуди и Комисијата за односи со верските заедници и религиозни групи. Од Комисијата изразија сочувство до семејствата, чии најмили почиваат на овие гробишта споделувајќи го немирот и револтот по овој нечовечки акт.
Видео: Нетпрес
