Познатиот рок-музичар Ѓорѓе Давид доживеа тешка сообраќајна несреќа на магистралниот пат Куманово-граничен премин Табановце во која, за жал, едно лице го загуби животот.
Во оваа сообраќајка учествуваa три автомобили, меѓу кои и возилото на истакнатиот пејач.
Ѓорѓе Давид во овие тешки моменти добива поддршката од бројни колеги, но и од млади таленти кои се натпреваруваат во шоуто „Ѕвездите на Гранд“. Сочувство и поддршка му изрази и младиот пејач Жарко Маџиќ, кому на ова музичко натпреварување Ѓорѓе Давид му беше ментор. Тој вели дека се обидел да стапи во контакт со Ѓорѓе, но музичарот не му одговорил.
„Вчера му се јавив неколку пати, но тој не ми одговори. Знаејќи каков човек е, за неговата големина, верувам дека е во целосен хаос и дека сега сите му се јавуваат“, вели Жарко.
„Лошо време, лоши околности, судбина, којзнае уште што… Како возач и чест учесник во сообраќајот, знам дека ако се случи тоа што му се случи на Ѓорѓе, возачот не сноси никаква одговорност. Притоа, тој немал ниту една трага од алкохол или друга супстанца. Колку што ја прочитав неговата изјава, како и соопштението на Обвинителството, налетал на сообраќајна несреќа и жена која се движела по автопат, па тој не е виновен“, смета Маџиќ.
Тој верува дека Ѓорѓе има морална и емоционална одговорност во овој момент.
„Сигурно е дека немал намера да ја убие жената, но за жал, тоа се случило. Познавајќи го, ќе биде многу тешко да живее со ова. Тоа остава сериозни последици, газиш куче и не ти е сеедно, а не па човек. Како ќе живее со тоа, само тој знае… Но, сигурен сум дека после тоа ќе се посвети на своите кандидати, ќе продолжи со пробите и ќе се обиде да ги пренасочи мислите и таму да најде утеха. Има луѓе кои го ценат и почитуваат и кои ќе му помогнат да ги преброди тешките моменти. Силен е, ќе издржи се’ што ќе се случи, но сигурен сум дека во моментите на осаменост ќе го прогонува. Секој нормален и совесен би бил погоден и вознемирен од тоа, никој не може да биде имун на овие работи. Но, верувам дека ќе успее да го надмине сето ова. Има такви меѓу нас кои ценат се’ кај него и кои ќе бидат со него дури и во овој тежок момент“, завршува младиот пејач.
