Докажаниот музичар, автор и водител Зоран Џорлев кој почина од корона направи многу за македонската песна.
Преку серијалот ТВ-емисии „Зајди, зајди“, „Зори зора“ и „По патот на песната“ ја негуваше нашата традиционална музика. Кога славеше 40 години кариера издаде цеде со обработка на македонски забавни евергрини. Се’ уште се слушаат и неговите инструментални изведби на познати новогодишни и божикни рефрени.
Сепак, еден проект му остана неостварена желба, а тоа е детско телевизиско шоу со народни песни. Во едно интервју изјави дека со години мечтаел за еден таков концепт. Замислата му беше децата да пеат македонски народни песни.
– „Запри дожду“, „Сношти минав покрај вази“, „Бабино девојче“, „Да сум бистра вода“, „Дали чекаш стара мајчице“ и „Куќа имам на Пелистер“ се дел од македонски евергрини кои ќе им бидат понудени на младите таленти, а преку заедничко преслушување, секоја сабота во Детскиот креативен центар, ќе се одберат рефрените кои ќе бидат снимени. Шоуто е со работен наслов „Мини седум осмини“ – откри Џорлев пред неколку години.
* Текстот не смее да биде превземан без дозвола на редакцијата на МАСТИЛО