Драги хумани пријатели,
Чест и задоволство ни е да ве известиме дека битката што ја водевме веќе една година ја извојувавме со Викторија (победа) благодарение на сите вас.
Јас и целата моја фамилија ви сме благодарни на сите кои помогнавте да се излечи нашата ќерка Викторија.
Слава на Бога, Викторија е добра, се вративме денес од Турција.
Ви благодарам на сите кои ве имаше во многу голем број и што видовме дека и на денешно време се’ уште има добри луѓе, почнувајќи од почетокот на лекувањето, па се’ до крај.
Процесот на лекување беше доста долг, тежок и критичен, но заврши со успех. Исто така, голема благодарност и до сите доктори/ки и сестри во Македонија и во Турција кои одговорно и со љубов си ја вршеа својата работа.
Господ да Ве благослови сите со радост многу поголема од нашата.
Фејсбук-статус на Мери Костадинова
* Објавите во рубриката „Мислења“ се без новинарска интервенција и се независни од уредувачката политика на „Мастило.мк“
