Министерството за внатрешни работи и официјално ги потврди информациите за убиството на 67-годишниот доктор во скопската населба Железара.
„На 21.03.2024 во 23.09 часот во СВР Скопје било пријавено дека во сопственото возило „киа“ со скопски регистарски ознаки, во парк во близина на поранешна фабрика Железара, со убодни рани по телото бил пронајден А.Т.(67) од Скопје. Според пријавеното, тој бил пронајден од неговите синови, кои почнале да го бараат откако не се вратил дома од работа. Лекар од Итна медицинска помош констатирал смрт, а по наредба на јавен обвинител телото на починатиот било дадено на обдукција. Се преземаат мерки за расчистување на случајот“, информираат од полицијата.
Според неофицијалните информации до кои дојде „Прес 24“ станува збор за доктор кој бил пред пензија. Во поликлиниката под концесија држел амбуланта како матичен лекар и бил почитуван од пациентите. Нема информации кои се мотивите за убиството.
Истиот портал објави и неколку фотографии.