Во Украина денеска е погребана 23-годишната Карина Јершова која руските војници ја силувале пред да ја убијат. Нејзиниот очув, Андриј Деренко, потврди дека била злоставувана и измачувана, па застрелана од непосредна близина.
„Тие не се луѓе! Животни се! Нејзината мајка сакаше за последен пат да ја види ќерка си, но не предупредија дека тоа може да биде премногу болно. Го видовме само горниот дел од нејзиното тело, можеме да замислиме како изгледа остатокот“, вели тој.
Карина настрадала за време на окупацијата на Буча. Во тој град таа изнајмила стан со пријателка. Пред војната работела во административниот оддел на еден ресторан, а имала планови за основање на сопствен бизнис.
Нејзиното семејство кое живее во Ирпин ја молело да се врати дома, но таа наводно не сметала дека ситуацијата е толку сериозна.
Фото: Фејсбук
* Текстот не смее да биде превземан без дозвола на редакцијата на МАСТИЛО.
