Сопругот на Наташа е скршен од болка
Уште еден живот прерано згасна, овојпат од компликации по оперативен зафат.
Наташа Бидулф, 41-годишна Британка, конечно одлучила да направи bariatric surgery-кратење на желудник, но по операцијата ѝ откажале неколку органи, па добила сепса и инфекција на градниот кош, покажаа резултатите од обдукцијата.
Лекарите од болницата Ројал Сток ќе бидат дополнително сослушани за властите да утврдат дали овој се’ попопуларен зафат и кај нас ја предизвикал или само придонел за смртта на пациентката.
Сопругот на Наташа е скршен од болка. Вели дека неговата сопруга со која имаат две малолетни деца имала страшен смисол за хумор и дека на сите ќе им фали нејзината насмевка.
„Наташа беше прекрасна и грижлива личност, секогаш ведра и со посебна фризура. Беше фантастична мајка, постојано се обидуваше на нашите деца да им го направи животот авантура со многу убави спомени. Никогаш не се плашеше да го каже тоа што го мисли, просто ја обожававме“, раскажува Дејвид за „Мирор“.
Фото: Фејсбук
* Текстот не смее да биде преземан без дозвола на редакцијата на МАСТИЛО.