Почина проф. д-р Димитар Бајалџиев, долгогодишен професор на Правниот факултет „Јустинијан Први“-Скопје при Универзитетот „Св. Кирил и Методиј“ во Скопје.
Проф. д-р Бајалџиев беше и поранешен министер за образование и наука, поранешен декан на Факултетот и член на Деканатската управа.
„Со неговата смрт загубивме драг и почитуван колега, доајен од областа на вовед во правото и автор на бројни научни и стручни трудови, успешен интелектуалец, извонреден предавач, одличен педагог, посветен наставник и особено ценет пријател“, напишаа неговите колеги од Правниот факултет.
Посмртните останки на проф. д-р Бајалџиев ќе бидат изложени во капелата на Градските гробишта во Бутел утре (16 август) од 13 до 14 часот.
