Познатата македонска пејачка, авторка и диџејка по подолго време се огласи на својот инстаграм-профил.
Фани Христова која со години наназад работи и како јога-инструктор, се присети на нејзиниот починат татко и објави трогателна посвета.
-Еден умен човек што го сакам најмногу на светот е роден на денешен ден. Тој велеше: „Љубовта е вечна додека трае“. Не можам да го гушнам и да му кажам „Среќен роденден тато, те сакам до небото и назад, ама беше во право за љубовта .. Таа љубов не умира.. И трае, и трае, и ќе трае засекогаш. До небото и назад, тато-напиша Фани.
Христова пред неколку години престојуваше на Тајланд и ова патување комплетно ѝ го промени животот.
По враќањето од оваа егзотична дестинација раскажа дека во јогата го пронашла посакуваниот баланс на своето физичко, ментално и духовно здравје и дека оттогаш секој ден ѝ изгледа поинаку благодарение на редовните вежби.
* Текстот не смее да биде превземан без дозвола на редакцијата на МАСТИЛО
