Не стивнуваат реакциите во јавноста по ненадејната смрт на Ристо Масев-Ичо, член на СДСМ и поранешен пратеник во македонското Собрание од Струмица.
Роднини и пријатели со трогателни посвети се простуваат од него.
Се огласи и Сефер Цаноски, директорот на ФОН.
„Прерано не’ напушти мој драг Ичо. Фамилија Масеви загубија одличен сопруг, татко и дедо. Струмица и Македонија еден од најдобрите луѓе и еден од најврвните бизнисмени што сум ги запознал. Почивај во мир! Ќе фалиш премногу“, напиша Цаноски на „Фејсбук“.
Со Масев претходно се прости и македонскиот премиер Димитар Ковачевски.
„Со голема тага изразувам сочувство до семејството, роднините и пријателите на ненадејно починатиот сопартиец и почитуван социјалдемократ, Ристо Масев-Ичо, член на СДСМ и поранешен пратеник во македонското Собрание од Струмица. Нека почива во мир. Слава му!“, напиша Ковачевски.
Фото: Фејсбук