Тажна вест
Почина македонска театарска, филмска и телевизиска глумица Катерина Крстева.
Најпозната како Мара Попара од легендарната радиоемисија „Хихирику“, Крстева имаше импресивна актерска кариера.
Публиката ја памети и од серијалите „Македонски народни приказни“, „Погрешно време“, „Волшебното самарче“..
-Со огромно жалење ја споделуваме веста за смртта на актерката Катерина Крстева, дамата на македонското актерство-популарна меѓу народот како Мара Попара, по улогата во филмот „Во кафулето кај Гене-се огласија и од Македонскиот народен театар.
Катерина Крстева е дел од создавањето на историјата на театарската уметност во Македонија. Нејзиниот препознатлив и ведар дух и лик, како и веселост на театарската сцена и ТВ-екраните ја направија миленичка на широката театарска, филмска и телевизиска публика. Како актерка е вработена прво во Драмски театар, за во 1964 година да премине во НУ Македонски народен театар, Скопје, каде останува сé до пензионирањето.
Крстева имаше 85 години.
Вечна ѝ слава!