Во петокот на аеродромот во Лисабон бил пронајден ковчег со човечко месо по што полицијата го уапсила Беголе Мендес Фернандеш (26), осомничен дека во неделата во Амстердам го убил 21-годишниот Алан Лопез, пишува британски „Експрес“.
Станува збор за Холанѓанец кој бил пронајден мртов во куќата во која живеел со мајка си и со двете сестри. Португалскиот весник Jornal de Notisias објави дека е многу веројатно тој да е жртва на канибализам.
„Во понеделникот попладне на аеродромот во Лисабон во соработка со португалските власти е уапсен 25-годишен маж. Тој е осомничен дека е вмешан во смртта на 21-годишен маж кој е пронајден во куќа на Вегасстраат во северниот дел на Амстердам“, изјави портпаролот на холандската полиција.
Властите го запреле и го претресле Фернандеш откако се посомневале во легитимноста на италијанската лична карта што им ја покажал. Дополнителен сомнеж предизвикал затоа што на аеродромот пристигнал со облека обоена во крв и со „сомнително месо“ за кое подоцна во лабораторија било утврдено дека е човечкок. Сепак, ДНК-то не се поклопувало со она на Лопез и се работи за непозната жртва.
Фернандеш сега е во полициски притвор во болницата Санта Марија во португалската престолнина и се очекува да биде екстрадиран во Холандија.
Илустрација: Шатерсток
