Александра Јовиќ, докторка вработена во ургентното одделение на Здравствениот дом во Лебане, ненадејно почина на 37-годишна возраст, јавија српските медиуми.
Неколку дена се жалела на здравствени проблеми, а пред три дена конечно нашла слободно време да направи тестови.. Во текот на ноќта ненадејно ѝ се слошило и била итно префрлена на Клиниката за анестезија и реанимација во Ниш.
Нејзините колеги се во шок, збунети од целиот случај и чекаат обдукцијата да ја покаже причината за смртта. Велат дека Александра била многу посветена на својата работа и дека била добра колешка и искрена пријателка.
Младата докторка позади себе остави малолетна ќерка, родители и сестра.
Тие што ја познаваа со трогателни посвети се простуваат од неа на социјалните мрежи.
„Патувај со ангелите, ангелу наш. Беше пожртвувана мајка и голем хуманист“, напиша нејзина блиска пријателка.
