Тамара Тодевска по седум години брак лани се разведе од поранешниот кошаркар Александар Димитровски.
Двојката има две деца, ќерката Хана и синот Дарен, а сега во искрено интервју раскажа во кој момент сфатила дека разидувањето со популарниот Мачка е единствена опција и како и колку често комуницираат сега.
„Секојдневно комуницираме со Мачка. Ние имаме две деца, кои, пред сѐ, сакам да имаат среќно и исполнето детство. Хана и Дарен имаат двајца родители, и за мене многу здраво и нормално е да продолжи комуникацијата меѓу родителите и откако ќе се разделат. Тоа е во интерес на децата, кои се во специфичен период, затоа што се релативно „мали“, но апсолутно сѐ разбираат. Тие сега растат, стекнуваат навики и го обликуваат својот карактер. Затоа одговорноста на родителите е голема, а среќата на Хана и Дарен е наш императив“, вели македонската поп-ѕвезда за „Слободен печат“.
Што се однесува за крајот на нивната љубов, пејачката појаснува дека во секој брак, во секоја врска е различно и дека нема унифицирани и единствени правила.
-Партнерите најдобро знаат кога бракот/врската повеќе не функционираат и решаваат да се разделат. Повторно ќе кажам, при разделбите многу е важен интересот на децата. Во никој случај не смееме да ги пренесеме разочараноста и гневот кон децата и тие да претставуваат пинг-понг „топче“-завршува Тодевска.
