Дваесет и шестгодишната Алма Суљиќ, втората девојка која Армин Берберовиќ ја удри со автомобил на 26 мај кај Маријин Двор во Сараево, почина синоќа во Клиничкиот центар на Универзитетот во Сараево.
„Со голема тага, раководството и вработените во „Дом здравља“ Зеница упатуваат последно збогум до нашата д-р Алма Суљиќ и наше искрено сочувство до нејзиното семејство. Д-р Алма Суљиќ работеше во Службата за детска здравствена заштита, а нејзиното предвремено и трагично заминување е голема загуба за Здравствениот дом „Дом здравља“ Зеница и за нашите пациенти“, е наведено во соопштението на институцијата.
Во меѓувреме се огласи и мајката на починатата млада девојка.
„Засекогаш ќе бидеш во нашите срца“, напиша мајката на Азра споделувајќи фотографија со двете млади докторки кои трагично настрадаа.
Да потсетиме, Берберовиќ со своето возило удри три лица на пешачки премин. Азра Спахиќ почина на лице место, а другите двајца веднаш беа пренесени во болница.
Берберовиќ е уапсен ден по несреќата. Утврдено е дека возел под дејство на алкохол, со поголема брзина од дозволената и без положен возачки испит.
