Аријана Виера (26), актуелната мис на Венецуела, загина во сообраќајна несреќа во Орландо, Флорида.
Оваа убавица требаше да ја претставува Венецуела на изборот за Мис Латинска Америка 2023 година во Доминиканската Република во октомври.
Трагедијата ја потврди и нејзината мајка Вивијан Очоа.
Таа тврди дека нејзината ќерка заспала додека возела од замор, кога удрила во возилото пред неа.
Како што вели, брзата помош пристигнала брзо и двапати ја оживеале нејзината ќерка, но таа починала на пат кон болница.
„Ја оживеаја и тогаш доживеа срцев удар. Повторно ја вратиле во живот, но починала кога ја однеле на трауматологија“, им изјави на медиумите, пренесува британски „Сан“.
Манекенката се подготвувала и да учествува на натпревар за убавина во Њујорк.
Она што многумина ги шокираше е тоа што оваа девојка пред само неколку месеци објави чудно видео на кое како да си ја предвиде својата смрт.
Таа се снимаше за „нејзиниот погреб“.
„Се снимам за идниот погреб затоа што на видеата секогаш сум јас, никој друг не го прави тоа“, напиша таа под видеото кое го објави на социјалните мрежи.