Српскиот пејач Милан Станковиќ ги вознемири своите фанови кога медиумите почнаа да пишуваат за смртта на неговиот татко Горан. По пет години во затвор починал под неразјаснети околности.
Официјалната верзија е дека паднал од скеле, но семејството на пејачот не верува во тоа.
Милан на почетокот на својата кариера зборуваше за болното минато, а лани изјави како се сомнева дека татко му загинал во четири ѕида позади решетки.
– Имав само пет месеци кога татко ми го затворија. Не се сеќавам многу на него, иако низ глава често ми поминуваат слики од посетите. Никогаш немав чувство дека имам татко, туку некој вујко што повремено го гледам. Мојот татко заради некој долг уби човек, со кој работеше во пекара. После пет и пол години, ни соопштија дека паднал од скеле и загинал, но сѐ уште не верувам во тоа. Мислам дека станува збор за крвна одмазда – призна Станковиќ.
Пред неколку месеци Станковиќ комплетно се повлече од јавната сцена, а мирот се повеќе го наоѓа во манастирите каде што престојува.
Милан во една прилика отворено зборуваше за тоа што значи верата за него.
„Се крстив како бебе за да преживеам. Господ ми даде големи дарови, а со тоа доаѓа и голем крст. Но, во лудилото на ова време, духовно слепи, глуви, неми и сегрешни, сите ние неминовно сериозно пропуштаме и со задоцнување чувствуваме дека без логосот Божји нема живот. На крајот, сè завршува со Господ, бидејќи од него сè и настанало“ преку него ”, изјави тогаш пејачот.
